Хүмүүс хэзээ ч адгийн муу юм уу, дээдийн сайн байдаггүй.

*        *        *

Ажаад байхад “муу хүмүүс” ямагт хожоод, харин “сайн хүмүүс” нь үүнээс дандаа алдаад байх шиг санагдах юм.

*        *        *

Хүн хичнээн жаргалтай байлаа ч бусад хүн өөрт нь хэрэггүй болохуйц тийм өндөрт гардаггүй.

*        *        *

Бусдын атаархлыг төрүүлэхгүйн тулд өөрийн аз жаргалыг нуу. Гэхдээ бусдаар өрөвдүүлтлээ хэтрүүлчихэвзэй.

*        *        *

Чамайг юу ч гэж бодог хамаагүй, шударга гэж үзсэн зүйлээ хийж бай. Зэмлэл, магтаал аль алинд нь адилхан хэнэггүй яв.

*        *        *

Хэрэв чамд итгэж л байгаа бол адгийн амьтан байсан ч бүү хуур. Хэрэв чамд хүч чадал заяасан бол бусдаас илүүгээрээ бүү сагсуур. Хэрэв чамд сайн чанар бий бол бусдын дутагдлыг бүү илчил. Хэрэв чамд авьяас үгүй бол бусдын чадварт бүү атаарх.

*        *        *

Өөртөө хатуу, бусдад зөөлөн бай. Тэгж байж л та өөрийгөө бусдын дургүйцлээс хаацайлна.

*        *        *

Ариун сурталт эр хүн өөрийнхөө давуу чанарыг мэддэг, гэвч сөргөлдөөнөөс зайлсхийж явдаг. Тэр хүн бүхэнтэй эв зүйгээ ололцдог, гэхдээ хэнтэй ч үгсдэггүй.

*        *        *

Хатуу чанд шаардлагатай байх үед зөөлөн зан илүүц. Зөөлөн байлаа гээд дайснаа нөхөр болгохгүй, харин ч чамайг дарамтлах нь ихэснэ.

*        *        *

Эрт цагт хүмүүс өөрийгөө төгөлдөржүүлэх гэж суралцдаг байлаа. Өнөө цагт бусдад гайхуулах гэж л ном үздэг болж.

*        *        *

Өөдгүй хүмүүстэй тулалдахдаа тэдэнд ухрах зам үлдээ. Тэдэнд өршөөлгүй хандах нь хулганы нүхийг бөглөхтэй ижил. Бүгчимдэж амь нь тэмцсэн хулганууд эргэн тойрноо аймшигтайяа сүйтгэдэг.

*        *        *

Тайзан дээр нэг нь хаан, нөгөө нь зөвлөх, гурав дахь нь зарц, цэрэг, жанжин болж тоглоно. Амьдралд ч мөн ийм л байдаг. Эрх цол, эд хөрөнгийн ялгаа хүн бүхэнд тохирох дүрийг оноодог ч, тэр дүрд дотоод ялгаа нь авцалддаггүй. Хүн бүхний дотор хэрэгцээндээ хөтлөгдсөн нөгөө л ядуу амьтан оршиж байдаг.

*        *        *

Уулзсан хүнээ сайхан үгээр баярлуулахыг хичээ, магадгүй ахиж уулзахгүй ч юм билүү.

*        *        *

Хүмүүжилтэй хүн бусдыг хүндэлдэг. Тиймээс ч ямагт хүлцэнгүй, зөөлөн, эелдэг, найр тавимхай байдаг.

*        *        *

Чармай шалдан хүнийг нүцгэлэх аргагүй.

*        *        *

Сайн хүмүүс муу хүмүүсээсээ сул, зөөлөн байдаг.

*        *        *

Чи өөрөө шулуун шударга бол доод хүмүүс чинь хийх ажлаа тушаалгалгүй гүйцэтгэчихнэ. Шулуун шударга биш бол тушаагаад байхад ч чиний үгийг сонсох хүн олдохгүй.