Хэн нэгэн хүний хайрыг татна гэдэг баян байхаас ч хавьгүй дээгүүр хувь ерөөл юм.

*        *        *

Хайр дурыг гурав дахин хулгайч гэхэд болно: тэр унтдаггүй, бас аймшиггүй зоригтой, мөн хүмүүст юу ч үлдээлгүйгээр бүрмөсөн нүцгэлдэг.

*        *        *

Хайр сэтгэлд ямагт бага зэрэг солиорол байдаг. Гэхдээ солиорол бүхэнд бага боловч эрүүл утга учир агуулагддаг.

*        *        *

Эмэгтэйчүүд өөрөөсөө доогуур гэж үзсэн хүнээ хайрлаж чаддаггүй. Бахархан бишрэх сэтгэлгүй хайр бол ердөө л үерхэл төдий юм.

*        *        *

Хүүхнүүд өөрт нь үнэхээр хайртай хүнийг хайрлаж чаддаггүй нь хувь заяаны мөнхийн шоглоом юм биш байгаа?

*        *        *

Арван наймтай хархүү таашаадаг, хорьтой эр дурладаг, гучин настай бол эзэмдэхийг хүсч, дөчтэйдөө сая эргэцүүлж боддог.

*        *        *

Та эмэгтэйчүүдийг харааж, мэхэлж, тэр ч байтугай зодож нүдсэн ч тэд уучилна. Харин гадаад төрхийг нь л өөлөх гээд үзээрэй. Үүрд таныг үзэн ядах болно шүү.

*        *        *

Тавин насандаа эр хүн өөр аль ч насныхаасаа илүү аюултай байдаг. Энэ насандаа тэд асар үнэт туршлагаас гадна зарим үед өв хөрөнгө хуримтлуулсан байдаг.

*        *        *

Эр хүн бусдын нууцыг өөрийнхөөсөө илүү найдвартай хадгалдаг. Эмэгтэйчүүд бол эсрэгээр, өөрийнхийгөө бусдынхаас илүү баттай хадгална.

*        *        *

Хөнгөмсөг хүүхэн таныг хөнгөмсөг л хуурна. Харин намбатай буурьтай хүүхэн бол хуурч мэхлэхдээ ч гэнэ алдахгүй.

*        *        *

Бие эзэмдүүлэхдээ эмэгтэй хүн бүхэл бүтэн ертөнцийг бэлэглэж байна гэж боддог. Эр хүн харин өөртөө тоглоом авлаа л гэж төсөөлдөг. Эмэгтэй хүн мөнхийн зүйл өгсөн мэт санаж явахад, эрчүүд ганцхан хормын цэнгэл амслаа л гэж боддог.

*        *        *

Ухаан мөхөс адгуусыг харцгаа. Тэгээд ичицгээ. Үнээ бухнаас юу ч шаарддаггүй. Дурласан эм хониндоо хуц төлөөс өгдөггүй. Зөвхөн эмэгтэй хүн л эрийнхээ сүүлчийн мөнгөөр гоёж гангалж, хайрлуулсныхаа шанд гар харж байна.

*        *        *

Эмэгтэй хүн, суут хүн хоёр хөдөлмөрлөдөггүй. Хүүхнүүд ямагт хүн төрөлхтөний хамгийн гайхамшигтай тансаглал нь байсан. Гэхдээ бид тансаглаж цэнгээгүй мөч бүхнээ хөдөлмөрлаж өнгөрөөдөг юм биш. Хөдөлмөр бол ердөө л энэ мөчүүд тийш хөтлөгч хэрэгсэл юм.

*        *        *

Шөнийн харанхуй, мансууруулагч дарс хоёр гоо сайхныг цэгнэх бололцоо олгодоггүй. Биеийн өө согогийг харанхуй хайцаалж, муу сэтгэгдлийг үлдэн хөөнө. Шөнө уусан дарсны амт ямар ч эмэгтэйг дагина болгон хувиргадаг.