2010-05-11
Дараах, дараахь, дараахи - Аль нь зөв бэ?

 

“Дараах” хэмээх үгийг бид “дараахь”, “дараахи” зэргээр даруй гурван янзаар бичиж байна. Одоогийн мөрдөж буй зөв бичихүйн үүднээс чухам аль нь зөв юм бол? ШУА-ийн Хэл зохиолын хүрээлэнгээс 2008 онд хэвлүүлсэн “Монгол хэлний дэлгэрэнгүй тайлбар толь”-д энэ үгийг “удаах, дараагийн, тэртээх, хойдох” гэх мэт утгатай гээд “дараах” хэмээн бичнэ гэжээ.

Мөн Ц.Дамдинсүрэн, Б.Осор нарын “Монгол үсгийн дүрмийн толь”-д “дараах” хэмээн бичих нь зөв хэмээжээ. Харин Я.Цэвэлийн “Монгол хэлний товч тайлбар толь”-д “дараахь” хэмээн байх аж. Гэвч энэ толиос хойш гарсан толиуд дээр энэ үгийг “дараах” хэмээн бичих нь зөв хэмээн журамлаж өгчээ. Энэхүү “дараах” гэдэг үгийг монгол бичгээр “дарагахи” хэмээн бичдэг бөгөөд үүнийг нь баримтлан зарим хүмүүс “дараахи” гэх мэтээр буруу бичдэг бололтой. Зөөлний тэмдэг болон “и”-гүйгээр “дараах” хэмээн бичих нь одоогоор бидний баримталж буй зөв бичгийн дүрмэндээ нийцэх юм.

 

Бичсэн: Боролзой | цаг: 12:24 | Бүх нийтийн бичиг үсгийн боловсролд
Холбоос | email -ээр явуулах | Сэтгэгдэл(3)
Сэтгэгдэл:


Үндсэн хууль үсгийн дүрмээ дагаж өөрчлөгддөг болохоос үндсэн хуулиа дагаж зөв бичгийн дүрмээ өөрчилдөг улс орон гэж байхгүй. Дараахь гэж бичих логик нь араасаа удаахь гэж бичихийг зөвтгөнө гэсэн үг.
Бичсэн: Зочин цаг: 02:38, 2018-10-29 | Холбоос | |


Баярлалаа, иймэрхүү зүйлийг тодорхой болгох хэрэгтэй маш олон үгнүүд байна эдгээр үгсийг албан ёсоор зөвчилсөн албан ёсны цахим хуудас гаргавал олон нийтэээр баримтлах болов уу
Бичсэн: Зочин цаг: 09:53, 2018-01-12 | Холбоос | |


Үндсэн Хуульдаа бичсэнээр ДАРААХЬ гэх нь зүйтэй!
Бичсэн: Зочин цаг: 17:24, 2016-11-17 | Холбоос | |


Сэтгэгдэл бичих



:-)
 
xaax